Lah Marasai, Pakai Lo Surek Tabuka Bagai

Oleh: MAIRIZAL

Yo sansai, lah marasai. Tapetai petai, dek corona ko. PSBB jo lockdown lo gai, tapi bantuan ndak adoh, tapaso kalua pai mangisai.

Bantuan diarok, alun juo sampai. Basorak didunia nyato,  mahoyak di medsos, alun juo turun lai. Pakai surek tabuka ka gubernur dan wakil gubernur, antah lai sampai.

Ondeh, baa lai. Yo, sabana marasai. Lah tauncang saku amai amai. Lah maraung abak abak gai. Nan, hiduik samakin sansai. Nan kayo makan lauk jo patai, nan bansek lado jo garam digisai.

Surek tabuka ka gubernur lah disampaian. Walau hanya lewat medsos, alun adoh tanggapan. Hiduik taruih bajalan. Corona samakin batahan. Tu manga nan wak harus lakukan.

Co iko lah, hiduik talalu arok. Dek usaho ndak bisa dikakok. Kok, antok se wak,  paruik lah mangirok. Bamanuang dirumah cando rang onggok. Ondek, yo sabana kapok.

Apak apak nan diateh, cubolah danga ratok ko. Kok, jampang apak mangalami nasib co rakyat badarai ko. Mungkin hati apak taibo lo. Makonyo, capeklah turunkan bantuanko.
Sekian dari ambo, nan lah samakin marano.

0 Post a Comment:

Posting Komentar

Selamat datang di Website www.sumbarnet.com, Terima kasih telah berkunjung.. tertanda, Pemred: Firma Ragnius